Eqqussineq atuinerlu

Kisitsisit Kisitsisaataasivimmiittut Kalaallit Nunaanni tupanik eqqussuinermut akileraarutaasimasunik imaqarput. Eqqussineq qanoq pujortartoqartartigineranut naatsorsuutitut atorneqassappat eqqaamaqquneqarpoq, eqqussuinerup atuinerullu akornanni pissutsit ataqatigiinneranni paasiuminaattoqarsinnaammat.

·         Toqqorsivimmut/ quersuarmut pisiniarneq: tamanna ilaatigut Kalaallit Nunaanni sunniuteqarpoq, uani eqqartorneqarpoq inuiaqatigiit ikitsunnguunnerat pissutaallini assartuinermi unammillernartoqarsinnaasarnera, taamaasillunilu sillimasariaqartarneq. Tamanna atuinermut allannguinngilaq, kisianni eqqussuinermi ukiumiit ukiumut allanngorarnerinut sunniuteqarsinnaavoq.

·         Nioqqutissat pisoqalisimasut imaluunniit aserorsimasut maanngaannartut: Tamanna sunniutaagajuppoq pingaartumik ataatsimut annertussuseq isiginiassagaanni, kisianni soorunami nalunaarsuutimut annikikkaluamik sunniuteqarsinnaavoq kommunenili ataasiakkaani nioqqutissat immikkoortitat annertusippata ass. nalaatsornikkut ajutoorsimasut imalunniit aserorsimasut naatsorsuutinut sunniuteqarsinnaasarput.

·         Eqqunneqartut nalunaarutigineqanngitsut (netto-grænsehandel): Nunamiit nunap sanilianut ajornannginnerusumik isersinnaaneq, tupa assigisaalu nunami allami akikinneruppata eqqussuinermit annertunerusumik atuisoqarsinnaavoq. Tamanna Kalaallit Nunaanni akitsuutsip qaffasinnera pissutaalluni sunniuteqarsinnaavoq – Kisianni Kalaallit Nunaata inissisimanera pissutaalluni taamaallaat tikiffigineqarsinnaasut ikitsuinnaapput.

·         Nunat assigiinngitsut akornanni mittarfeqarfinni akitsuusigaangitsumik pisiniarneq: tamanna naatsorsuinermut ilaanngilaq, periaaseq taanna nunani avannarlerni atuuppoq.

·         Takornariat, tikeraat imaluunnit ukiup ilaatigut sulisartut atuinerat: Takornariat, tikeraat imaluunnit ukiup ilaatigut sulisartut tupamik atuinerat erseqqissarneqanngilaq. Kommune amerlasuunik takornarialik, takeraalik imaluunniit ukiup ilaatigut suliartortullik inummut ataatsimut annertunerusumik pilersorneqarsinnaavoq, kommunemut allaniit takornariakinnerusumut, tikeraakinnerusumut imalunniit ukiup ilaatigut sulisartukinnerusumut sanilliullugu.

 

Eqikkaanermi imaappoq, nalunaarsuutini Kalaallit Nunaannut tupamik eqqussukkat qularnanngitsumik atuinerup annerpaartarivaa. Naatsorsuinermi pissutsit taaneqartut pissutaallutik atuinerup eqqussuinerullu qanoq nikingatiginerat eqqortumik oqaatigineqarsinnaanngilaq.

 

Periaaseq paasissutissiornerlu

Tupat pillugit kisitsisitigut paasissutissiornermi kisitsisit atorneqartut akileraaruseruffimmit Toldfunktion Aalborgimiittumit tunngavilersorneqarput. Nalunaarusiat Akilereeartanermut Aqutsisorfimmut Nuummiittumut ingerlateqqinneqartarput. Tassanilu naatsorsueqqinneqareerlutik suliareqqinneqareerlutillu Naatsorsueqqissaartafimmut ingerlateqqinneqartarput, nalunaarsuutimut inaarutaasut suliareqqitassatut isumagalugu tamanut saqqummiunnissaanut Naatsorsueqqissaartarfimmit isumagineqartarpoq. Naatsorsuinermi ukiumoortumik tupamik pilersuinermi inummut ataatsimut 15-ileereersimasumut katitat agguaqatigiissinnerannut atorneqarpoq, inuiaqatigiit tunuliaqutaralugit naatsorsuutit inernerat innuttaasunut kisitsisitigut paasissutissaneersuupput, innuttaasut amerlassusaanut tunngasut Naatsorsueqqissaartarfimmi pissarsiarineqarsinnaapput.

 

Takussutissiami 3-mi takuneqarsinnaapput ukiut ingerlanerini akitsuutit annertussusaat.

 

Takussutissiaq 3. Eqqussuinermi akileraarutit

Suussuseq

Kr., kg imaluunniit amerlassusaat

30. okt.
1992

6. maj
1993

21. okt.
1998

6. okt.
1999

7. nov.
2003

19. okt.
2007

1. jan.
2016

Sikaritsit

kr./stk.

1,27

1,37

1,51

1,66

1,89

2,23

2,23

Sikaritsit pappiliartaat

kr./stk.

0,28

0,30

0,33

0,36

0,41

0,48

0,48

Tupat aggorluakkat

kr./kg

662,31

716,95

788,65

867,52

987,76

1.165,00

1.165,00

Tupat aggorluagaanngitsut

kr./kg

280,01

303,11

333,42

366,76

417,59

492,00

492,00

Sikaajaqqat 3 gram-imit oqinnerit

kr./stk.

0,74

0,80

0,88

0,97

1,11

1,30

1,30

Sikaat 3 gram-imit oqimaannerit

kr./stk.

0,89

0,96

1,06

1,17

1,34

1,58

1,58

Sunoorsit/ sukulooq il.il.

 

.

.

.

.

.

.

Pisiat allagartaasa 300%-imut nalinga

Najoqqutaq: Akileraartarnermut Aqutsisoqarfik